წყლისა და დენის მიწოდებასთან დაკავშირებული პრობლემები რამდენიმე საათში მოგვარდება. ამის შესახებ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ გიორგი მელაძემ დღეს ბიუროს სხდომაზე პარლამენტის თავმჯდომარე დავით ბაქრაძის კითხვაზე დაინტერესების შემდეგ განაცხადა.
მელაძის ინფორმაციით, ბუნებრივი მოვლენებიდან გამომდინარე დიდი პრობლემების იყო შექმნილი, მაგრამ სამუშაოები ჩატარდა მტკვრის მარცხენა სანაპიროზე და სპეციალისტები ვარაუდობენ, რომ უახლოეს საათებში პრობლემა მთელი ქალაქის მასშტაბით იქნება მოგვარებული.
ამასთან, კომიტეტის თავმჯდომარის თქმით, გავრცელდა ინფორმაცია, რომ წყლის ხარისხთან დაკავშირებით პრობლემებია, რაც სრული ტყუილია.
"ასეთი პრობლემა არ არსებობს", - აღნიშნა დეპუტატმა.
