14:00 საათზე ივანე ჯავახიშვილის სახელობის თბილისის სახელმწიფო უნიერსიტეტში პროექტ "ქამელეონის" დახურვის ცერემონია გაიმართება. ღონისძიებას სასჯელაღსრულების, პრობაციისა და იურიდიული დახმარების მინისტრი ხათუნა კალმახელიძე დაესწრება.
მინისტრი სამინისტროს საქმიანობის, განვლილი და დაგეგმილი პროექტების შესახებ ისაუბრებს.
თსუ-ს სტუდენტური თვითმმართველობის სტუდენტთა უფლებების დაცვის დეპარტამენტის პროექტი "ქამელეონი" საქართველოს მასშტაბით 24 მარტიდან 14 ივნისის ჩათვლით მიმდინარეობდა. პროექტის სხვადასხვა ეტაპზე ტრენინგები და ტესტირებები, ასევე ესეების კონკურსი და პრეზენტაციები გაიმართა. დახურვის ცერემონიაზე პროექტის გამარჯვებულებს ორენოვანი სერთიფიკატები და ფულადი ჯილდოები გადაეცემა.
