სტიქიის შედეგად მიყენებული ზარალის რაოდენობა 10 მილიონ ლარს აჭარბებს, ამის შესახებ საქართველოს პრემიერ-მინისტრმა ნიკა გილაურმა რიკოთის მიმდებარე ტერიტორიაზე, აღდგენითი სამუშაოების მონახულებისას ესწრებოდა.
გილაურის თქმით, სურამიდან რიკოთის გვირაბამდე გზის მონაკვეთი 25 ადგილზე არის დაზიანებული.
„ძალიან რთული მონაკვეთია გზის ის ნაწილი რომელიც დაზიანდა. მთლიანობაში 25 მონაკვეთია დაზიანებული. ჩვენ ავიყვანეთ კომპანიები და მათ სამუშაოები გაუნაწილდათ. სავარაუდოდ სამ დღეში დასრულდება პირველადი აღდგენითი სამუშაოები. 14 დღეში გზა დაუბრუნდება იმ პირველად მდგომარეობას, რომელიც აქამდე იყო. სურამში და ჩუმათელეთში მიმდინარეობს ზიანის აღწერა. სამაშველო სამსახურები გამოვიძახეთ თბილისიდან რათა მოხდეს უფრო მალე წყლის ამოტუმბვა სახლებიდან და გამაგრება იმისთვის, რომ მოსახლეობამ განაგრძოს ჩვეულებრივი ცხოვრება განაგრძოს", - განაცხადა გილაურმა.
შეგახსენებთ, რომ სტიქიის შედეგად ამ ტერიტორიაზე 4 ადამიანი დაიღუპა, ორი დაკარგულად ითვლება.
