~შეკრებებისა და მანიფესტაციების შესახებ~ კანონში აქციების დროს ჟურნალისტების უსაფრთხოების დაცვის საკითხები გაიწერება. ამის შესახებ ჟურნალისტებს კანონპროექტის ერთ-ერთმა ავტორმა, საპარლამენტო უმრავლესობის წევრმა პავლე კუბლაშვილმა განუცხადა.
"აქციის მიმდინარეობისას, მის შემდეგ და მანამდე, ყველგან ადმინისტრაციულმა ორგანომ და აქციის ორგანიზატორებმა უნდა უზრუნველყონ ჟურნალისტებისთვის სრული შესაძლებლობა, რომ მათ თავიanTi მოვალება შეასრულონ", - აღნიშნა კუბლაშვილმა და დასძინა, რომ აღნიშნული ნორმა "მანიფესტაციებისა და შეკრებების შესახებ" კანონპროექტს დაემატება.
მისი თქმით, აუცილებელია, აქციის დაშლის დროსაც ჟურნალისტებს საშუალება ჰქონდეთ, ჩვეულ რეჟიმში შეასრულონ მოვალება.
შეგახსენებთ, რომ აღნიშნული საკითხი დღეს კანონპროექტის საჯარო განხილვის დროს საქართველოს ჟურნალისტთა შემოქმედებითი კავშირის წარმომადგენელმა ჰამლეტ გეგიამ დასვა.