პარლამენტის ადამიანის უფლებათა დაცვისა და ინტეგრაციის კომიტეტის თავმჯდომარე ლაშა თორდია იმედს გამოთქვამს, რომ პენიტენციალურ სისტემაში მიღწეული პროგრესის გამო სახალხო დამცველის ანგარიში პოზიტიური იქნება. ამის შესახებ თროდიამ სახალხო დამცველის ანგარიშის შეფასებისას განაცხადა.
"დღევანდელი დღეა პასუხია იმ ბრალდებების, რომელიც ჩვენი ოპონენტების მხრიდან ისმოდა, თითქოს არ ვაპირებდით პლენარულ სხდომაზე ანგარიშის გამოტანას", - აღნიშნა თორდიამ და დასძინა, რომ მათი მიზანი სახალხო დამცველის რეკომენდაციების შესწავლა და იმ საკითხებზე კონცენტრირების მოხდენა იყო, რომელიც მყისიერ რეაგირებას მოითხოვდა.
დეპუტატის მტკიცებით, სასჯელაღსრულების სისტემაში ჯანდაცვის კუთხით სახალხო დამცველის რეკომენდაციების შესრულებულია.
"პრობლემები არსებობს და ყველა ფაქტს სჭირდება გამოძიება და რეაგირება თუ რომელიმე თანამდებობის პირის მხრიდან ადგილი ჰქონდა გადაცდენას", - აღნიშნა თორდიამ და ოპოზიციას მოუწოდა სასჯელაღსრულების მინისტრის მიერ "გაწეული შრომაც" დაინახონ, რადგან სწორედ მისი ინიციატივით მოხდა გრძელვადიანი და ვიდეოპაემნების შემოღება.
