შეკრებისა და მანიფესტაციის პარალელურად, ადგილობრივი მოსახლეობის და მოვაჭრეების უფლებების დაცვა სავალდებულო ხდება. აღნიშნულთან დაკავშირებით ცვლილება შედის "მანიფესტაციებისა და შეკრებების შესახებ" კანონში.
კანონს პრიმა მუხლი ემატება, რომლის მიხედვითაც დგინდება, რომ შესაბამის ორგანოს აქვს ვალდებულება, დაიცვას ბალანსი შეკრების თავისუფლებასა და იმ პირთა უფლებებს შორის, ვინც ცხოვრობს, მუშაობს, ვაჭრობს და აქვს ბიზნესი იმ ადგილებში, სადაც შეკრება მიმდინარეობს.
საკანონმდებლო ინიციატივაში წერია, რომ ამ პირებს ხელი არ უნდა შეეშალოთ, რათა განაგრძონ თავიანთი საქმიანობა. ამ მიზნით შეიძლება დაწესდეს დროისა და ადგილის შეზღუდვა და მოხდეს ალტერნატიული ვარიანტების შეთავაზება.
შეზღუდვები შესაძლებელია დაწესდეს ორი ურთიერთდაკავშირებული შეკრების ან მანიფესტაციის არსებობის პირობებშიც.
