საქართველოს მუსლიმთა სამმართველომ დღეს თბილისში შეიხი, მუფთა და იმამი აირჩია.
არჩევნებში საქართველოს ყველა რეგიონის მუსლიმთა წინამძღოლი მონაწილეობდა და სწორედ მათი გადაწყვეტილებით, საქართველოს მუსლიმთა სამმართველოს მთავარ მუფთად ჯემალ პაქსაძე იქნა არჩეული. ის აჭარის ხუთივე რაიონის მთავარი მუფთაც იქნება.
რაც შეეხება სრულიად საქართველოს მუსლიმთა სამმართველოს შეიხს, ეს სტატუსი ვაგიფ აკაფილოვს მიენიჭა. მთავარი იმამი კი იასინ ალიევი გახდა.