ნინო ბურჯანაძის თქმით გიგი უგულავამ გუშინ გაკეთებული განცხადებებით საპრეზიდენტო არჩევნებისთვის ქულები ჩაიწერა.
მისი თქმით, როდესაც უგულვამ განაცხადა, რომ მოხდა გარკვეულწილად ძალის გადამეტება, უკავშირდება იმას, რომ მან ქულები ჩაიწერა ხალხთანაც და ასევე ურთიერთობა არ გაიფუჭოს ოპერაციის ორგანიზატორებთან.
"უგულავას გუშინდელი განცხადებები არის ტყუილი, რომელსაც ის მიჩვეულია. სრული სიცრუეა მისი განცხადება რომ 26 მაისის სადამსჯელო ღონისძიების დროს სპეცრაზმის წევრები მაშინ გახსდნენ აგრესიულები, როდესაც მათ გაიგეს მათ კოლეგების დღუპვის ამბავი. სადამსჯელო ოპერაცია სულ გრძელდებოდა 10 წუთის განმავლობაში. ეს იმდენად მცირე დროა არის, რომ ვერანაირად ვერ მოხდებოდა რომელიმე ადამიანის დაღუპვის ინფორმაციის გავრცელება ოპერაციის დროს", - განაცხადა ბურჯანაძემ.
ბურჯანაძის თქმით, "რუსთავის 2-ის" არქივში არსებობს უნიკალური კადრები, რომელიც ამყარებს მის სიტყვებს და ნათლად აჩვენებს რომ პოლიციელები სასტიკად უსწორდებიან მომიტინგეებს, მაგრამ აღნიშნული ტელეკომპანია ამ კადრების გავრცელებისგან ხელისუფლების სხვადასხვა მაღალჩინოსნების დავალებით თავს იკავებს.
