ამერიკის შეერთებული შტატების სახელმწიფო მდივან ჰილარი კლინტონის განცხადებით, მუამარ კადაფის ლიბიის ლიდერობის პერიოდი მალე დასრულდება.
„კადაფის დღეები დათვლილია. ვმუშაობთ ჩვენს პარტნიორებთან და გაეროსთან ერთად, რომ პოსტკადაფისეული პერიოდი ლიბიამ უმტკივნეულოდ გადაიტანოს", - ამის შესახებ ჰილარი კლინტონმა აბუ დაბიში, მსოფლიო ლიდერებისა და ლიბიის ოპოზიციური ძალების ერთობლივ სამიტზე განაცხადა.
სამიტზე გადაწყდა, რომ იტალია მეამბოხეებს 400 მილიონ ევროს გამოუყოფს. სამიტის ძირითადი მიზანი ლიბიაში მიმდინარე პროცესები და სიტუაციის ნორმალიზებაა.
