სასტუმრო "ბეტსი"-ში ცენტრალურმა საარჩევნო კომისიამ საზოგადოებრივი საკონსულტაციო საბჭოს მორიგი შეხვედრა გამართა.
შეხვედრაზე ცესკოს თავმჯდომარემ საბჭოს წევრებს საარჩევნო ადმინისტრაციის მიერ ბოლო ერთი წლის განმავლობაში განხორციელებული საქმიანობა გააცნო. ზურაბ ხარატიშვილმა მონაწილეებს კომისიის საქმინობის შესახებ პრეზენტაცია წარუდგინა. შეხვედრაზე საარჩევნო ადმინისტრაციის სამომავლო გეგმებზეც იმსჯელეს. საბჭოს წევრებმა რეკომენდაციები წარმოადგინეს იმის შესახებ, თუ რა ღონისძიებები უნდა გაატაროს საარჩევნო ადმინისტრაციამ საზოგადოებაში საარჩევნო გარემოს ნდობის ამაღლების მიზნით.
შეხვედრას ესწრებოდნენ საკონსულტაციო საბჭოს წევრები - საარჩევნო საკითხებში ჩართული პოლიტიკური პარტიების, საერთაშორისო და ადგილობრივი არასამთავრობო ორგანიზაციების, მედია საშუალებების წარმომადგენლები და დამოუკიდებელი ექსპერტები.
საზოგადოებრივი საკონსულტაციო საბჭოს საქმიანობის მიზანია საარჩევნო გარემოს გაუმჯობესების ხელშეწყობა.
საზოგადოებრივი საკონსულტაციო საბჭო ცენტრალური საარჩევნო კომისიის ინიციატივით 2010 წლის დეკემბერში ჩამოყალიბდა და მას შემდეგ ექვსი შეხვედრა გაიმართა. საბჭოს წევრებმა შეხვედრებზე განიხილეს ისეთი მნიშვნელოვანი საკითხები, როგორიც არის მოწყვლადი კატეგორიის ამომრჩეველთა ხელშეწყობის მიზნით განსახორციელებელი სამუშაოები, მედია და არჩევნები, პოლიტიკური პარტიების და საარჩევნო კამპანიის დაფინანსება, საარჩევნო სისტემები და საარჩევნო ადმინისტრაციები და სამოქალაქო განათლების როლი საარჩევნო გარემოს გაუმჯობესებაში.
შეხვედრები იმართება გაეროს განვითარების პროგრამის საარჩევნო პროექტის ფინანსური მხარდაჭერით
