ნაწლავური ინფექციის სხვადასხვა შტამით ადამიანები საქართველოშიც არიან დაავადებულები. ტელეკომპანია „რუსთავი 2"-ის ინფორმაციით, არსებობს გარდაცვალების შემთხვევებიც.
„ეს არ არის ი-კოლის ბაქტერია, თუმცა მისი მსგავსი შტამი ნამდვილად არსებობს", - აცხადებენ ქართველი სპეციალისტები.
დაავადებათა კონტროლის ეროვნულ ცენტრში განმარტავენ, რომ დაავადების მხოლოდ ერთეული შემთხვევებია გამოვლენილი. შესაბამისად, ჯანდაცვის მსოფლიო ორგანიზაციიდან განსაკუთრებული რეკომენდაციები საქართველოს არ მიუღია, თუმცა დაავადებათა კონტროლის ეროვნული ცენტრი მოსახლეობას ჰიგიენური წესების დაცვისკენ მოუწოდებს.
ბოლო მონაცემებით ი-კოლის ჩხირმა ევროპაში 24 ადამიანი იმსხვერპლა.
