საქართველოს ეროვნული ბანკის იარაღისა და საბრძოლო მასალის შენახვის წესს ნორმატიული აქტით თვითონ ეროვნული ბანკი დაადგენს. აღნიშნულის შესახებ ცვლილება შედის "იარაღის შესახებ" კანონში.
დღემდე არსებული ნორმის თანახმად, საქართველოს თავდაცვის სამინისტროს, საქართველოს შინაგან საქმეთა სამინისტროს, საქართველოს ფინანსთა სამინისტროს, საქართველოს ენერგეტიკისა და ბუნებრივი რესურსების სამინისტროს, საქართველოს გარემოს დაცვის სამინისტროს, საქართველოს იუსტიციის სამინისტროს სისტემის, საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სისტემის, საქართველოს დაზვერვის სამსახურისა და საქართველოს სახელმწიფო დაცვის სპეციალური სამსახურის იარაღი და საბრძოლო მასალა ინახება ამ დაწესებულებათა ნორმატიული აქტებით დადგენილი წესით, ხოლო საქართველოს ეროვნული ბანკის, საბანკო დაწესებულებებისა და სამოქალაქო ავიაციის საავიაციო უშიშროების სტრუქტურული ქვედანაყოფების საკუთრებაში არსებული იარაღისა და საბრძოლო მასალის შენახვის წესი დგინდება საქართველოს პრეზიდენტის ბრძანებულებით.
წარმოდგენილი კანონპროექტის თანახმად, ეროვნულ ბანკის იარაღსა და საბრძოლო მასალის შენახვის შესახებ ნორმატიულ აქტს თავად მიიღებს, თუმცა ეს უკანასკნელი შინაგან საქმეთა სამინისტროსთან უნდა იყოს შეთანხმებული.
