აჭარის ავტონომიური რესპუბლიკის ხუთი თვის ბიუჯეტი 17 %-იანი გადაჭარბებით შესრულდა. განცხადება ამის შესახებ დღეს გამართულ მთავრობის სხდომაზე გაკეთდა.
გარდა ამისა, სახელმწიფო უწყებების ეკონომიის ხარჯზე დამატებით კიდევ გამოთავისუფლდა 4 მილიონი ლარი. საერთო ჯამში, თანხამ 17 მილიონი ლარი შეადგინა. როგორც აჭარის მთავრობის თავმჯდომარემ განაცხადა, აღნიშნული თანხები კვლავაც ინფრასტრუქტურული პროექტების განხორციელებას მოხმარდება.
"თანხები გამოიყოფა სკოლების რეაბილიტაციისთვის და სხვა სოციალური თუ ჯანდაცვითი პროგრამების განხორციელებისთვის. ბიუჯეტში თანხების ზრდა ახალი სამუშაო ადგილების შექმნის გარანტიაა", _ განაცხადა ლევან ვარშალომიძემ.