საქართველოს ტურისტული რებრენდინგის განმახორციელებელი კომპანია უახლოეს თვეებში გამოვლინდება. თუ რომელი კპმპანია დაეხმარება საქართველოს ტურისტული რებრენდინგის განხორციელებაში ეს რამდენიმე თვეში გახდება ცნობილი. ეკონომიკისა და მდგრადი განვითარების მინისტრის ვერა ქობალიას განცხადებით, ამ დროისათვის საერთაშორისო ტენდერის პირობები ზუსტდება და დაახლოებით ივნისის ბოლოს საერთაშორისო ტენდერი გამოცხადდება.
საქართველოს მთავრობის მხრიდან ქვეყნის ტურისტულ რებრენდინგის შესახებ ინფორმაცია რა ერთი თვის უკან მთავრობის სხდომაზე გაკეთდა.
მაშინ ტურისტული ეროვნული სააგენტოს ხელმძღვანელმა მაია სიდამონიძემ განაცხადა, რომ შეიცვლება ეროვნული სააგენტოს ლოგო. ასევე, განხორციელდება საერთაშორისო ბაზრებზე ქვეყნის რებრენდინგი და შემუშავდება სტრატეგია, რის მიხედვითაც ქვეყანა საკუთარ ტურისტულ პოზიციონირებას საერთაშორისო ბაზარზე მოახდენს.
"ტურიზმის ეროვნული სააგენტო რებრენდინგს გეგმავს, რომელიც გულისხმობს საქართველოს ბრენდის შემუშავებას, რომლის ფარგლებშიც მოხდება საქართველოს პოზიციონირება საერთაშორისო ბაზრებზე. ტურიზმის ეროვნულმა სააგენტომ და კომპანია L-C-D-მ ჩაატარა კველვა, რომლის მიედვითაც განისაზღვრება, თუ რა უნდა იყოს ჩვენი ბრენდშეტყობინება. თუ როგორ მოვახდენთ პოზიციონირებას და რა სეგმენტებზე იმუშავებს ჩვენი მარკეტინგული კამპანიის წარმოებისას. კვლევის მიხედვით, განისაზღვრება დავალება, რომლის შესრულებასაც ტურისტულ კომპანიებს ვთხოვთ თავიანთი მარკეტინგული კამპანიის წარმოებისას. კვლევის შედეგად, რომლის ფარგლებშიც გამოიკითხა როგორც ადგილობრივი ასევე უცხოელი ტურისტები, გამოიკვეთა სტუმართმოყვარეობა, ბუნებრივი ლანდშაფტი და ქვეყნის ექსკლუზიურობა", - განაცხადა მაია სიდამონიძემ.
მისივე თქმით, საქართველოს პოზიციონირება საერთაშორისო ბაზრებზე დღემეც ხდებოდა, თუმცა დროთა განმავლობაში საქართველოს ტურისტული მიმართულებები იქმნებოდა და, შესაბამისად დღის წესრიგშიც რებრენდინგის საკითხი დადგა, რომლის ფარგლებშიც რებრენდინგი ჩაუტარდება, როგორც ტურიზმის ეროვნულ სააგენტოს, ასევე მთლიანად საქართველოს ბრენდს.
