ეკონომიკისა და მდგრადი განვითარების სამინისტრო, კოპიტნარის აეროპორტის ოპერირების მსურველი კომპანიების განაცხადებს სწავლობს.
ეკონომიკისა და მდგრადი განვითარების მინისტრი ამბობს, რომ კოპიტნარის აეროპორტი მთავრობისთვის მნიშვნელოვანი აქტივია და სწორედ ამიტომ პოტენციური ინვესტირების წინადადებები დეტალურად უნდა განიხილონ.
"არის რამდენიმე წინადადება, რომელსაც ვიხილავთ. ვინაიდან კოპიტნარი ძალიან მნიშვნელოვანი აქტივია, ამიტომ წინადადებებს დეტალურად ვიხილავთ და საბოლოო გადაწყვეტილება ოპერირების გადაცემაზე არ მიგვიღია", - განაცხადა ეკონომიკისა და მდგრადი განვითარების მინისტრმა ვერა ქობალიამ.
მინისტრის თქმით, ინვესტორი ვალდებულია აეროპორტის მოდენიზებაში 40 მლნ. ლარის ინვესტიცია განახორციელოს, რასაც თან დაერთვება აეროპორტის შემდგომი განვითარებისთვის საჭირო თანხებიც, მინისტრი აცხადებს, რომ სწოპრედ ამ მიზეზების გამო გადაწყდა ინვესტორისათვის აეროპორტის სიმბოლურ ფასად გადაცემა.
უკვე ცნობილია, რომ კოპიტნარის აეროპორტის ოპერირებით დაინტერესებულია უმსხვილეს კორეულ საინვესტიციო ჯგუფები, რომელთა წარმომადგენლებიც საქართველოში რამდენიმე ხნის უკან უკვე იმყოფებოდნენ.
ეკონომიკისა და მდგრადი განვითარების სამინისტროში განმარტავენ, რომ მთავრობა განიხილავს: შპს „ქუთაისის აეროპორტის" აქტივების სიმბოლურ ფასად - 1 ლარად გასხვისებას ქუთაისის აეროპორტის საერთაშორისო სტანდარტებთან შესაბამისობაში მოსაყვანად და ქუთაისის აეროპორტის ნებისმიერი ევროპული დაბალბიუჯეტიანი კომპანიის მომსახურებისთვის, რომლის წლიური გადაზიდვების რაოდენობა 20 მლნ. მგზავრს არ ჩამოუვარდება. ინტერესის გამოხატვა არ ატარებს ტენდერის ან აუქციონის სახეს, შესაბამისად, მთავრობას აქვს უფლება, არ მიიღოს არც ერთი განაცხადი. მთავრობა ინარჩუნებს უფლებას გააგრძელოს მოლაპარაკებები შერჩეულ კომპანიებთან პირობებთან დაკავშირებით. საქართველო მთავრობაა თანახმაა იყოს პროექტის თანადამფინანსებელიც.
ეკონომიკისა და მდგრადი განვითარების სამინისტროს ინფორმაციით, „ქუთაისის აეროპორტი" სახელმწიფო საკუთრებაში არსებული საწარმოა, რომელიც ქუთაისიდან 20 კილომეტრის დაშორებით მდებარეობს. იგი მოიცავს 35,5 ჰექტარ მიწის ნაკვეთს და 2 300 კვ.მ. შენობის ფართს. აეროპორტის ამჟამინდელი გადაზიდვის ტევადობა საათში 200 მგზავრს შეადგენს. აეროპორტი, ყოველგვარი სეზონური შეფერხების გარეშე, 24 საათის განმავლობაში ფუნქციონირებს.
