ბოლო დღეებში ქვეყანაში მომხდარი სტიქიური უბედურებების შედეგების ლიკვიდაციისთვის მთავრობამ 600 ათასი ლარი გამოყო, თუმცა როგორც პრემიერ-მინისტრმა მთავრობის სხდომაზე განაცხადა, მთავრობა მზადაა დამატებითი თანხები გამოყოს, რაც კი საჭირო გახდება სტიქიით მიყენებული ზარალის ლიკვიდაციისთვის.
"ბოლო დღეების განმავლობაში გადაუღებელმა წვიმებმა საგრძნობი ზიანი მიაყენეს ამოსავლეთ საქართველოს რაიონებს. განსკაუთრებით დაზიანდა მცხეთა მთიანეთი და კახეთი, სადაც გზები და ხიდები არის წაღებული და დაზიანებული. სტიქიის რეიგონებში სპეციალური ჯგუფები უკვე გაგზავნილია, რომლებიც ზარალის შედგებს სწავლობენ და უკვე გამოყოფილია 600 ათასი ლარი და თუ მეტი თანხა გახდება საჭირო ჩვენ ამისთვისაც მზად ვართ", - განაცხადა პრემიერ მინისტრმა ნიკა გილაურმა.
რეიგონალური განვითარებისა და ინფრასტრუქტურის მინისტრის მოადგილის ჯამბულ ბაკურაძის განცხადებით, 600 ათასი ლარი გამოყოფილია იმ სტიქიური უბედურებების ზარალის აღმოსაფხვრელად, რომელიც გუშინ ღამემდე იყო დაფიქსირებული, თუმცა წუხელ ისევ იყო სტიქიუირ უბედურება და შესაბამისად ზარალიც გაიზარდა. ბაკურაძის განცხადებით განსკაუთრებულად დაზიანებულია კახეთში გურჯაანი და საგარეჯო და ასევე ზარალი მიადგა ახმეტის რაიონსაც. რაც შეეხება მცხეთა მთიანეთის მხარეს განსაკუთრებულად დაზარალებულია ყაზბეგი, დუშეთი და ასევე ზარალი მიადგა მცხეთასაც.
"ზარალი მიადგა ასევე შიდა ქართლის მაღალმთიან სოფლებსაც. მადლობა ღმერთს რომ მეწყარი არ ყოფილა და მხოლოდ გზებია ჩახერგილი და ხიდებია წაღებული. კახეთსი საგრძნობლად არის დაზიანებული სავარგულები და გარკვეულწილად ვენახი. ზარალის პირველი ეტაპის თანხა დათვლილია და ის 600 ათასი ლარი რომელიც გამოყოფილია სამუშაოების ჩასატარებლად სურლიად საკმარისია",- განაცხადა ჯამბულ ბაკურაძემ.
მისივე თქმით, წუხანდელი ზარალის დათვლა ამ დროისთვისაც მიმდინარეობს და საბოლოო ციფრს საღამოს პრემიერ-მინისტრს პირადად გააცნობს. როგორც პრემიერ-მინისტრმა ნიკა გილაურმა განაცხადა, ფინანსთა სამინისტროს მითითება აქვს მიცემული, რომლის თანახმადაც ზარალის შედეგების აღმოსაფხვრელად საჭირო თანხის გამოყოფა დროულად მოხდება.
როგორც მთავრობის სხდომაზე ჯამბულ ბაკურაძემ განაცხადა, გზებისა და ხიდების გარდა, წყალმა წაიღო ასევე წყლის სათავე ნაგებობები, რომელიც აუცილებლად შეკეთდება და კვირის ბოლომდე წყალი ყველას მიეწოდება.