სადაზღვევო კომპანია ჯიპიაი ჰოლდინგმა ავტომფლობელებისთვის საზაფხულო აქცია დაიწყო. კომპანია მძღოლებს ავტოდაზღვევის ექსკლუზიურ პირობებს სთავაზობს. ნებისმიერ მსურველს ავტომობილის დაზღვევა მანქანის ღირებულების 2.5%-დან შეეძლება. საჩუქრად! ჯიპიაი ჰოლდინგი აქციის მონაწილეებს 200 ლარიან ვაუჩერს გადასცემს, რომლის გამოყენება მთელი წლის განმავლობაში თეგეტა მოტორსის ნებისმიერ ფილიალში იქნება შესაძლებელი.

"ზაფხულის დადგომასთან ერთად, ხალხი ქალაქგარეთ გეგმავს გამგზავრებას. დასვენების დროს კი ადამიანს ყველაზე მეტად სიმშვიდის და ფინანსური სტაბილურობის შენარჩუნება სჭირდება. სწორედ ამიტომ გადავწყვიტეთ, ავტომფლობელებისთვის ავტოდაზღვევის განსაკუთრებული პირობები შეგვეთავაზებინა, რადგან დაზღვევა მატერიალური დაცვის და სიმშვიდის განცდის გარანტიაა.
ავტოდაზღვევის ექსკლუზიურ პირობებთან ერთად, აქციის მონაწილეებს ჯიპიაი ჰოლდინგი 200 ლარიან ვაუჩერს გადასცემს, რომლის გამოყენება თეგეტა მოტორსის ნებისმიერ ფილიალში მთელი წლის მანძილზე იქნება შესაძლებელი. ვაუჩერით შესაძლებელი იქნება თეგეტა მოტორსის ნებისმიერი მომსახურებით სარგებლობა, ან პროდუქციის შეძენა", - განმარტავს ჯიპიაი ჰოლდინგის მარკეტინგული კომუნიკაციების სამსახურის უფროსი თინათინ სტამბოლიშვილი.

ნაწილობრივი დაზღვევის პოლისი ავტომობილის ღირებულების 2.5%-დან იწყება. დაზღვევა კი აანაზღაურებს ავტოსაგზაო შემთხვევით გამოწვეულ ზარალს, მიუხედავად იმისა თუ ვისი მიზეზით მოხდა ავარია.

ავტომობილის დაზღვევის სრული პაკეტი კი მანქანის ღირებულების 3.5%-დან იწყება. ავტოსაგზაო შემთხვევით გამოწვეული ზარალის გარდა, პოლისი ანაზღაურებს ქურდობის, ყაჩაღობის, ბოროტგანზრახული ქმედების, სტიქიური მოვლენების და ხანძრის შედეგად მიყენებულ ფინანსურ ზიანს.

აქციით სარგებლობა 5 ივლისამდე იქნება შესაძლებელი "ჯიპიაი ჰოლდინგის" ნებისმიერ ფილიალში - როგორც თბილისში, ისე საქართველოს ყველა რეგიონში.