მაისში ქვეყანაში რეგისტრირებული ბიზნეს სუბიექტების რაოდენობა, წინა წლის ანალოგიურ პერიოდთან შედარებით 17%-ით გაიზარდა და 3 801 ერთეული შეადგინა, რომელთა შორის 97.9% სამეწარმეო სუბიექტია (ინდივიდუალური მეწარმე, სოლიდარული პასუხისმგებლობის საზოგადოება, შეზღუდული პასუხისმგებლობის საზოგადოება, სააქციო საზოგადოება, კომანდიტური საზოგადოება, კოოპერატივი, უცხოური სამეწარმეო იურიდიული პირის ფილიალი). ხოლო 2.1% - არასამეწარმეო სუბიექტი (არასამეწარმეო იურიდიული პირი, უცხოური არასამეწარმეო იურიდიული პირის ფილიალი). საჯარო რეესტრის ეროვნული სააგენტოს ინფორმაციით, მაისში ბიზნესის რეგისტრაციის თვის ინდექსი (დეკემბერი 2010=100) 0.922 დონეზე დაფიქსირდა.
2011 წლის მაისში წინა თვესთან შედარებით რეგისტრირებული სამეწარმეო სუბიექტების რაოდენობა 9.3%-ით, ხოლო არასამეწარმეო სუბიექტების რაოდენობა 8%-ით გაიზარდა.
