საპარლამენტო უმცირესობის წევრის, დეპუტატ გურამ ჩახვაძის შეფასებით, იმისათვის, რომ 26 მაისის მოვლენებთან დაკავშირებით პარლამენტში რეაგირება იყოს, ოპოზიციას ერთსულოვნება უნდა ჰქონდეს. ამის შესახებ ედპ-ის წევრმა გურამ ჩახვაძემ, ამერიკელი კონგრესმენების მიერ გაკეთებული განცხადების კომენტირებისას განაცხადა.
"პარლამენტი ერთსულოვანი უნდა იყოს. თუნდაც ოპოზიციაში ამ საკითხის შესახებ ერთი პირი უნდა იყოს. ედპ მზად არის კომისიის მუშაობაში მონაწილეობა მიიღოს. თუმცა, მე ვფიქრობ, რომ ჩვენ მაინც უნდა დაველოდოთ სახალხო დამცველის დასკვნას. ეს მეტ იმპულს მისცემს იმას, რომ საპარლამენტო მოსმენები გამართოს და შესაბამისი კომისიის შექმნის საკითხი სერიოზულად დაისვას", - აღნიშნავს დეპუტატი.
შეგახსენებთ, რომ ამერიკელი კონგრესმენების განცხადებით, მსგავსი მოვლენების შემთხვევაში, ამერიკაში აუცილებლად ჩატარდებოდა დამოუკიდებელი გამოძიება, ხოლო კონგრესში მოსმენები გაიმართებოდა.
