ამერიკელი კონგრესმენები იმედს გამოთქვამენ, რომ ქუთაისში გადატანილი პარლამენტის საქმიანობაც ეფექტური იქნება. ამის შესახებ აშშ-ის კონგრესის წევრმა დევიდ დრაიერმა პარლამენტში გამართულ პრესკონფერენციაზე განაცხადა.
"პარლამენტს როლია ადეკვატური ზედამხედველობა მთავრობის საქმიანობაზე. რაც შეეხება პარლამენტის გადატანას ქუთაისში, გადაწყვეტილება უკვე მიღებულია, მშენებლობაც უკვე მიმდინარეობს. პრეზიდენტმა გვაჩვენა, როგორი იქნება შუშით დაფარული შენობა, რაც გამჭვირვალობის სიმბოლოა. გამოვთქვამთ იმედს, რომ პარლამენტის საქმიანობა იქნება ეფექტური", - აღნიშნა მან.
მისი თქმით, მსგავსი გადაწყვეტილებები საქართველოს მოსახლეობამ, პარლამენტმა და მთავრობამ უნდა მიიღოს.
"მნიშვნელოვანია, რომ პარლამენტს ქუთაისშიც ჰქონდეს ადეკვატური შესაძლებლობა, რომ ზედამხედველობა განახორცილოს მთავრობის საქმიანობაზე", - მიაჩნიათ ამერიკელ კონგრესმენებს.
