ამერიკელ კონგრესმენებს საფინანსო-საბიუჯეტო კომიტეტის წევრებმა საბიუჯეტო პროცესები გააცნეს. ამის შესახებ ჟურნალისტებს შეხვედრის დასრულების შემდეგ საფინანსო-საბიუჯეტო კომიტეტის თავმჯდომარის მოადგილემ, გურამ ჩახვაძემ განუცხადა.
"აშშ-ის კონგრესის წარმომადგენლები საქართველოში საბიუჯეტო პროცესის მიმდინარეობით დაინტერესდნენ. 2012 წლიდან პროგრამულ ბიუჯეტზე გადავდივართ და კონგრესმენებს ამის შესახებ ინფორმაცია მივაწოდეთ. მათ სურთ, სამოქალაქო საზოგადოება საბიუჯეტო პროცესში მაქსიმალურად ჩაერთოს", - აღნიშნა დეპუტატმა.
მისი თქმით, საბიუჯეტო პრცესებში საზოგადების ჩართვა მნიშვნელოვანია, რადგან თანხები, რომლითაც ბიუჯეტიდან სხვადასხვა პროგრამა ფინანსდება, სწორედ გადამხდელებისგან მიდის.