"სააკაშვილის რეჟიმი ვერ ეგუება განსხვავებული აზრის საჯაროდ გამოხატვას და მის ნებისმიერ გამოვლენას რეპრესიებით პასუხობს. ეს ტენდენცია კიდევ ერთხელ დადასტურდა 5 ივნისს", - ასე ეხმაურება "ქართული პარტია" პარლამენტთან მშვიდობიანი აქციის დაშლის ფაქტს.
როგორც "ქართულ პარტიაში" აცხადებენ, სახეზეა სააკაშვილის ტირანიის მორიგი გამოვლინება - განსხვავებული აზრის გამოხატვისთვის მოქალაქეების დევნა და შევიწროება.
"ქართული პარტია" მოითხოვს, ხელისუფლებამ შეწყვიტოს უკანონო დაკავებები და უზრუნველყოს განსხვავებული პოლიტიკური მრწამსის ადამიანების უფლებების დაცვა.
შეგახსენებთ, რომ რუსთაველის გამზირზე აქციის გამართვის მცდელობისთვის, სამართალდამცავებმა დააკავეს ლაშა ჩხარტიშვილი, ირაკლი ბათიაშვილის შვილი და მეუღლე.
სასამართლომ ლაშა ჩხარტიშვილს 10-დღიანი ადმინისტრაციული პატიმრობა შეუფარდა,ირინა და მაია ბათიაშვილებს 400-400-ლარიანი ჯარიმის გადახდა დააკისრა, ხოლო სასამართლო დარბაზში ძალით შესვლის მცდელობისთვის ირაკლი ბათიაშვილი 500 ლარით დააჯარიმა.
