ჰოლივუდის მსახიობის, ენდი გარსიას განცხადებით, „აგვისტოს 5 დღე" არ არის ფილმი მხოლოდ საქართველოზე, ის უნივერსალური ხასიათისაა და მოიცავს ისტორიას, რომელიც ნებისმიერ სახელმწიფოს შეიძლება გადახდეს.
„ეს არის ისტორია, რომელიც მეორდება და ძალიან ბევრ ქვეყანას გადახდენია. ეს არ არის ფილმი მხოლოდ საქართველოსა და მის პრეზიდენზე, ეს ომის საწინააღმდეგო ფილმია. მთელს მსოფლიოში ხდება მსგავსი ტრაგედია. თავად მე ვარ კუბიდან, რომელიც ახლაც გარკვეული გამოწვევის წინაშე დგას. ძალიან მნიშვნელოვანია, რომ ქვეყნის სუვერენიტეტს ყველამ პატივი ვცეთ", - განაცხადა გარსიამ ცოტა ხნის წინ, სასტუმრო „რესიდონში" გამართულ პრესკონფერენციაზე.
მისივე განმარტებით, მისთვის ომი და ძალადობა მიუღებელია და ამ ფილმით გამოხატა არა საქართველოს პრეზიდენტის, არამედ მისი, როგორც მსოფლიო მოქალაქის პოზიცია.
შეგახსენებთ, რომ "აგვისტოს 5 დღის" პრემიერა, რომელშიც ენდი გარსია საქართველოს პრეზიდენტის როლს თამაშობს, დღეს, 18:00 საათზე, საქართველოში მოქმედ ყველა კინო-თეატრებში გაიმართება.
