სრულიად საქართველოს კათოლიკოს-პატრიარქმა, მცხეთა-თბილისის მთავარ ეპიკსოპოსმა, ცხუმ-აფხაზეთისა და ბიჭვინთის მიტროპოლიტმა ილია მეორემ ყოვლადწმინდა სამების საკათედრო ტაძარში ქადაგებისას ყურადღება საზოგადოებაში მომატებულ აგრესიაზე გაამახვილა.
პატრიარქის თქმით, ხშირია შემთხვევები, როდესაც ახალგაზრდები ერთმანეთს სასიკვდილოდ იმეტებენ; ასევე სასიკვდილოდ იმეტებენ დედ-მამას, ან მამა იმეტებს შვილებს სასიკვდილოდ.
"ეს არის ნიშანი სულიერი დაცემისა. უნდა ვთხოვოთ უფალს, რომ მოგვცეს გონება ხსნილი. მინდა ვთქვა, რომ მრავალ ადამიანს შორის არის ისეთი, რომელიც თავდადებული იყო და არის ღვთისა და ადამიანის მიმართ. ასეთი ადამიანები არიან ჩვენს შორის. მე მინდა დღეს დავაჯილდოო წმინდა გიორგის ოქროს ორდენით მამა იოკიმე ასათიანი, რომლის ცხოვრებაც დიდი განსაცდელი იყო", - ბრძანა ილია მეორემ საკვირაო ქადაგების დროს.
მისივე შეფასებით, ყველას უნდა ახსოვდეს, რომ ყოველი ადამიანი არის ღვთის რჩეული.
"დიდი მორიდება უნდა ჰქონდეთ ადამიანებს ადამიანების მიმართ", - აღნიშნა უწმინდესმა.
