დღეს, 15:00 საათზე, ევროპის იურისტ სტუდენტთა ასოციაცია "საქართველოს" ორგანიზებით, თბილისის სახელმწიფო უნივერსიტეტის იურიდიული ფაკულტეტის სტუდენტები გარემოს დაცვის მსოფლიო დღესთან დაკავშირებულ ღონისძიებას გამართავენ.
როგორც "ჯი-ეიჩ-ენს" თსუ-დან აცნობეს, დაგეგმილია იან-არტიუს ბერტრანის ფილმის „HOME"-ის ჩვენება და დისკუსია გარემოს დაცვის თემაზე.
დევიზით „გავატაროთ კიდევ ერთი მწვანე დღე ერთად!" სტუდენტები სთავაზობენ საზოგადოებას დაპირდნენ ზრუნვას გარემოს, სპეციალურ ტექსტს ღონისძიებაზე ყველა მსურველი წაიკითხავს.
გარემოს დაცვის მსოფლიო დღისადმი მიძღვნილ ღონისძიებას გარემოს დაცვისა და ბუნებრივი რესურსების მინისტრი გოგა ხაჩიძე დაესწრება.
ღონისძიება კინოთეატრ „ამირანში" არსებულ ლიტერატურულ კაფეში გაიმართება.
