რუსეთის სანიტარული სამსახურის მთავარმა ექიმმა გენადი ონიშენკომ დაასახელა პირობები, რომელთა შესრულების შემთხვევაშიც, რუსეთის ბაზარზე ევროპული ბოსტნეულის იმპორტი აღდგება.
"როსპოტრებნაძორმა" რუსეთში აკრძალა ევროპის ქვეყნებიდან შემოსული ბოსტნეულის გაყიდვა.
შეგახსენებთ, რომ ევროპაში ჯერჯერობით უცნობი მიზეზების გამო ბოსტნეულიდან მძიმე ნაწლავური ინფექცია გავრცელდა, რომელმაც ასეულობით ადამიანი დააავადა, არის 18 გარდაცვლილი.
რუსეთი მიერ გადადგმულმა ნაბიჯმა ევროპაში უკმაყოფილება გამოწვია. ევროკომისიამ იმავე დღესვე მოუწოდა რუსეთს ბაზრის გახსნისკენ.
ონიშენკოს განცხადებით, ჩაკეტვა მოიხსნება, თუ ევროპა რუსეთის მიერ წაყენებულ ოთხ პირობას დააკმაყოფილებს: პირველი - დადგინდეს მიზეზი ევროპაში გავრძელებული ინფექციისა; მეორე - დადგინდეს, რა გზებით ხდება დაავადების გავრცელება; მესამე - დადგინდეს დაავადებული ბოსტნეულის პირველადი წარმოშობის ადგილი; მეოთხე - ობიექტური დასტური იმისა, რომ სიტუაცია კონტროლს ექვემდებარება და დაავადებულთა რიცხვი აღარ იზრდება.
ადმინისტრაციის ვებგვერდზე გამოქვეყნებული იყო მხოლოდ სამი პუნქტი. მოთხოვნა დაავადებული ბოსტნეულის ადგილმდებარეობის დადგენის შესახებ არ გამოქვეყნებულა.
ევროკომისიის ხელმძღვანელმა განაცხადა, რომ ევროპიდან რუსეთში ბოსტნეულის ექსპორტის მოცულობა შეადგენს 3-4 მილიარდ ევროს. ექსპორტიორ ქვეყნებში ლიდერობენ ესპანეთი, საფრანგეთი, გერმანია და პოლონეთი.
