აფხაზ ხალხს, დე ფაქტო ლიდერის სერგეი ბაღაფშის გარდაცვალების გამო სამძიმარს ბორჯომ-ბაკურიანის მიტროპოლიტი, მეუფე სერაფიმე (ჯოჯუა) უცხადებს.
"ჩემი ოჯახი ახლაც სოხუმში ცხოვრობს. დედაჩემი იქ არის. სხვათა შორის, მან არჩევნებში ხმა სწორედ სერგეი ბაღაფშს მისცა, ამიტომაც, მოვალე ვარ, გამოვთქვა გულისტკივილი ბაღაფშის გარდაცვალების გამო. ვუსამძიმერ მოძმე აფხაზ ხალხს და მის ოჯახსა და ახლობლებს", - განუცხადა "ჯი-ეიჩ-ენს" მეუფე სერაფიმემ.
შეგახსენებთ, რომ აფხაზეთის დე-ფაქტო ლიდერი სერგეი ბაღაფში 29 მაისს, მოსკოვში, სიმსივნის დიაგნოზით გარდაიცვალა.
ბაღაფში დღეს, ოჩამჩირის რაიონში მდებარე მშობლიურ სოფელ ჯგერდაში დაკრძალეს.
აფხაზეთში ახალი ე.წ. პრეზიდენტის არჩევნები სამი თვის განმავლობაში ჩატარდება.
