პროფესორი ნესტან კირთაძე აფხაზეთის დე ფაქტო ლიდერის, სერგეი ბაღაფშის გარდაცვალების გამო მის ოჯახსა და აფხაზ ხალხს სამძიმარს უცხადებს.
„მინდა გულწრფელად მივუსამძიმრო ბატონ სერგეი ბაღაფშის ოჯახს-ქალბატონ მარინა შონიას და მის არაჩვეულებრივ შვილებს და გამოვთქვა ღრმა რწმენა იმისა, რომ ჩვენ ქართველები და აფხაზები გამოვნახავთ ძალას, გამოვნახავთ სიბრძნეს და გონიერებას და ისტორიის ღრმა წარსულში დავტოვებთ სისხლიანი დაპირისპირების იმ დროს, რომელიც ორმხრივად და თანაბრად მტკივნეულია, როგორც აფხაზების, ასევე ქართველებისათვის", - ნათქვამია კირთაძის მიერ გავრცელებულ სამძიმრის წერილში.
მასში, ნესტან კირთაძე ასევე იმედს გამოთქვამს, რომ მომავალი თაობები „გზას გაუხსნის ურთიერთ ნდობას, პატივისცემასა და მეგობრობას ქართველ და აფხაზ ხალხებს შორის".
