პოლიტიკური გაერთიანება "ახალი მემარჯვენეები" ე.წ. პრეზიდენტის გარდაცვალების გამო აფხაზ ხალხს სამძიმარს უცხადებს.
„ჩვენ კარგად გვესმის, რას განიცდის ამ ვითარებაში აფხაზი ხალხი. აფხაზებს და ქართველებს დღეს ბევრი სირთულე გვაქვს გადასალახი. გვჯერა, რომ ეს არ იქნება გადაულახავი წინააღმდეგობები და ჩვენ ვიპოვით ერთმანეთის გულებისკენ სავალ გზებს", - ნათქვამია „ახლების" განცხადებაში.
შეგახსენებთ, რომ აფხაზეთის დე ფაქტო ლიდერი სერგეი ბაღაფში 29 მაისს, მოსკოვში, სიმსივნის დიაგნოზით გარდაიცვალა. ბაღაფშს დღეს, ოჩამჩირის რაიონში, მშობლიურ სოფელ ჯგერდაში დაკრძალავენ.
