რუსეთის დუმის საერთაშორისო საქმეთა კომიტეტის ხელმძღვანელი კონსტანტინე კოსაჩოვი საქართველოს პარლამენტის მიერ "თავისუფლების ქარტიის" მიღებას, რომელიც კომუნისტური პარტიის ყოფილი წევრების ლუსტრაციას ითვალისწინებს კონიუქტურულ უწოდებს.
"საქართველოს პარლამენტის მიერ ე.წ. თავისუფლების ქარტიის მიღება სულ მცირე მრავალ კითხვას ბადებს და მაქსიმუმ - ღრმად სამწუხაროა", _ აცხადებს კოსაჩოვი. ინფორმაციას ამის შესახებ რუსული მედია ავრცელებს.
მისივე აზრით, ქართველი ჩინოვნიკების მიერ აკრძალვის დადება ერთდროულად საბჭოთა და ნაცისტურ სიმბოლიკაზე შეურაცხყოფს დიდი სამამულო ომის ყველა მონაწლეს და ასევე ღია პოლიტიკურ თამაშს წარმოადგენს.
"არ ვაპირებ საბჭოთა წყობილების ადვოკატობა ვიკისრო და შეგნებულად არ ვაპირებ აღნიშნულ საკითხთან დაკავშირებით რაღაც პროტესტების გამოთქმას, მაგრამ როგორც პოლიტიკოსი ვერ გავჩუმდები - როდესაც ისტორია ხდება თანამედროვე პოლიტიკური კონიუქტურის ინსტრუმენტი და როდესაც ასეთი პროვოკაციული მეთოდით არსებითად თანაბრდება და ქმედება ნაციზმისა და კომუნიზმისა",_ აცხადებს კოსაჩოვი.
შეგახსენებთ, რომ 31 მაისს საქართველოს პარლამენტმა "თავისუფლების ქარტია" დაამტკიცა. კანონპროექტი 81 ხმით არც ერთის წინააღმდეგ იქნა მიღებული.
დეპუტატ გია თორთლაძის მიერ ინიცირებული კანონპროექტი იმ ადამიანების გამოაშკარავებას გულისხმობს, რომლებიც რუსეთის უშიშროების სამსახურთან თანამშრომლობდნენ.
თავად კანონპროექტის ავტორის განცხადებით, "თავისუფლების ქარტია" საქართველოსთვის გარესაფრთხეებს შეამცირებს.
დოკუმენტი ლუსტრაციის კანონსა და "პატრიოტის აქტს" აერთიანებს.
