დავით აღმაშენებლის გამზირს კიდევ ერთი თანამედროვე დასასვენებელი ადგილი შეემატა.
ჯანსუღ კახიძის სახელობის ბაღის (ყოფილი გოფილექტის ბაღი) სარეაბილიტაციო სამუშაო 2010 წლის ოქტომბერში დაიწყო. ინფრასტრუქტურა თანამედროვე სტანდარტების შესაბამისად მოეწყო. დამონტაჟდა დეკორატიული სანათები, ორიგინალური დასასვენებელი სავარძლები, მოეწყო ორი შადრევანი. სკვერის 4 000 კვ.მ ფართობზე ბეჭდური ბეტონის ფილები დაიგო. დაიდგა საბავშვო ატრაქციონები, საჩრდილობლები და გაკეთდა სასეირნო ხეივნები. სკვერის ტერიტორია ათეულობით სხვადასხვა სახეობის ხე-მცენარითა და მოყვავილე ბუჩქით გამწვანდა. კომფორტული და უსაფრთხო დასვენებისთვის სკვერში ყველა პირობაა შექმნილი.
სკვერის ინფრასტრუქტურაში გამორჩეულ ადგილს 800 მაყურებელზე გათვლილი სცენა იკავებს, რაც დასასვენებელ ზონას კულტურულ ფუნქციას სძენს. სკვერში ღონისძიებები ჩატარდება.
თბილისის მერი გიგი უგულავა ჯანსუღ კახიძის სახელობის ბაღში ბავშვთა საერთაშორისო დღისადმი მიძღვნილ საბავშვო კონცერტს დაესწრება.
