აჭარის ავტონომიური რესპუბლიკის ხუთი თვის ბიუჯეტი 14 %-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, იანვარ-მაისის ბიუჯეტის გეგმა 48 მლნ. 340 ათას 300 ლარი იყო, თუმცა შესრულებამ 55 მლნ. 125 ათას 700 ლარი შეადგინა.
სტატისტიკური ინფორმაციის თანახმად, აჭარის ბიუჯეტის გადასახადების მუხლი 112,5 %-ითაა შესრულებული, ხოლო სხვა შემოსავლების მუხლი 153,6 %-ით. სამაგიეროდ გარღვევაა არაფინანსური აქტივების მუხლში და ის მხოლოდ 79 %-ითაა შესრულებული. რაც შეეხევბა მუნიციპალიტეტებს, იანვარ-მაისსში ქობულეთის ბიუჯეტი 446,4 %-ით შესრულდა, ხელვაჩაურის ბიუჯეტი 161 %-ით, ხოლო ხულოს ბიუჯეტი 107,2 %-ით. გარღვევაა ბათუმის (94,2%), ქედას (63,5%), შუახევის (92,8%) ბიუჯეტების შესრულებისას.
