ათენში შავი ზღვის კვლევების საერთაშორისო ცენტრის (ICBSS) დირექტორთა საბჭოს სხდომა გაიმართა.
როგორც „ჯი-ეიჩ-ენს" საქართველოს საგარეო საქმეთა სამინისტროდან აცნობეს, შეხვედრაზე მხარეებმა შავი ზღვის რეგიონში ეკონომიკური თანამშრომლობის განვითარებისა და შავი ზღვის ეკონომიკური თანამშრომლობის ორგანიზაციასა (BSEC) და ევროკავშირს (EU) შორის ურთიერთობების შემდგომი გაღრმავების პერსპექტივები განიხილეს. სხდომაზე ასევე განხილულ იქნა შავი ზღვის კვლევების საერთაშორისო ცენტრის (ICBSS) ალტერნატიული გენერალური დირექტორის არჩევის საკითხი.
აღსანიშნავია, რომ შავი ზღვის კვლევების საერთაშორისო ცენტრის (ICBSS) ალტერნატიული გენერალური დირექტორის პოზიციაზე ხმათა უმრავლესობით არჩეულ იქნა საქართველოს კანდიდატურა, საქართველოს საგანგებო და სრულუფლებიანი ელჩი დანიის სამეფოში, ნორვეგიის სამეფოში და ისლანდიის რესპუბლიკაში დავით კერესელიძე.
