"ვანუატუს რესპუბლიკამ კავკასიის რეგიონში მშვიდობისა და უსაფრთხოების დამყარების საქმეში, საერთაშორისო ზეწოლის მიუხედავად დიდი წვლილი შეიტანა",_ იუწყება სეპარატისტული აფხაზეთის ე.წ. საგარეო საქმეთა სამინისტრო.
მათივე ინფორმაციით, - "აფხაზეთის რესპუბლიკის მთავრობისა და ვანუატუს რესპუბლიკის მთავრობამ, ერთა თვითგამორკვევის უფლებით იხელმძღვანელეს და დიპლომატიური ურთიერთობების დამყარების შესახებ გადაწყვეტილება მიიღეს", _ ნათქვამია სეპარატისტთა ე.წ. საგარეო უწყების მიერ გავრცელებულ განცხადებაში.
აფხაზეთის ე.წ. მთავრობა მიესალმება "ვანუატუს მიერ გადადგმულ ამ მამაც ნაბიჯს" და მას "ისტორიულს" უწოდებს.
შეგახსნებთ, რომ ვანუატუმ აფხაზეთის ე.წ. დამოუკიდებლობა აღიარა. ეს წყნაროკეანური სახელმწიფო, შედის მელანეზიის შემადგენლობაში, ჩრდილოეთიდან ესაზღვრება სოლომონის კუნძულების ტერიტორიული წყლები, დასავლეთიდან - ავსტრალიის ეკონომიკური ზონა, სამხრეთიდან - ახალი კალედონიის წყლები, ხოლო აღმოსავლეთიდან ფიჯის ტერიტორიული წყლები. დედაქალაქი პორტ-ვილა.
სახელმწიფო განფენილია ახალი ჰებრიდების 83 კუნძულზე.
2008 წლის აღწერის მონაცემებით, ქვეყნის მოსახლეობა 215 ათასი ადამიანია.
რუსეთის, ნიკარაგუის, ვენესუელისა და ნაურუს შემდეგ ვანუატუ მეხუთე სახელმწიფოა, რომელმაც აფხაზეთის "დამოუკიდებლობა" აღიარა.
