ბავშვთა დაცვის საერთაშორისო დღესთან დაკავშირებით, დღეს, 1 ივნისს 11: 00 საათზე აფხაზეთის შრომის, ჯანმრთელობის და სოციალური დაცვის სამინისტრო გ.ჟვანიას სახელობის ახალ პედიატრიულ კლინიკასთან ერთად ატარებს ერთობლივ ღონისძიებას - აფხაზეთიდან დევნილი 15 წლამდე ასაკის ბავშვების პროფილაქტიკურ გასინჯვებს.
პროფილაქტიკურ გასინჯვებში მონაწილეობას მიიღებენ გ.ჟვანიას სახელობის პედიატრიული კლინიკის ექიმ - სპეციალისტები: პედიატრი, ნეონატოლოგი, კარდიოლოგ-რევმატოლოგი, ტრავმატოლოგი, ნევროპათოლოგი, ქირურგი. ჩვენების მიხედვით ბავშვებს გაუკეთდებათ სხვადასხვა სახის ინსტრუმენტული გამოკვლევები.
პროფილაქტიკური გასინჯვების დასრულების შემდეგ ბავშვებს საჩუქრად გადაეცემათ ტკბილეული, ბავშვთა კვების პროდუქტები, პირადი ჰიგიენის ნივთები და სათამაშოები.
