"მე რა ვიცი, რა იხარშება თქვენი ოფიცრების თავებში, ამიტომაც ამ სიტუაციაში თავს ვინ არ დაიზღვევდა?" - აცხადებს ყოფილი სახელმწიფო მინისტრი კახა ბენდუქიძე გაზეთ "კომსომოლსკაია პრავდასთვის" მიცემულ ინტერვიუში რუსთაველის გამზირზე მიტინგის დარბევის კომენტირებისას.
"რამდენიმე ხნის წინ თქვენი პოლიტოლოგის, მიხეილ ლეონტიევის გამოსვლა მიამბეს. მას უთქვამს ამერიკელებს აქვთ უფლება, ბინ ლადენი მოიშორონ, ჩვენ კი - სააკაშვილი. ამიტომაც, არ ვიცი, რა იხარშება იქ, თქვენი ოფიცრების თავებში. ვიღაცას მოსკოვში შეეძლო ეთქვა: "ხელსაყრელი დროა - სააკაშვილი სისხლში ახშობს ხალხის გამოსვლას! ჩვენ სამი საათი გვჭირდება. შევდივართ თბილისში და ვშველით დემონსტრანტებს". დავუშვათ, რომ ამის ალბათობა სამი პროცენტია. თუმცა ხომ არის და ვინ არ დაიზღვევდა თავს ამ სიტუაციაში?" _ ამბობს ბენდუქიძე.
