სოხუმის აეროპორტში აფხაზეთის დე-ფაქტო ლიდერს სერგეი ბაღაფშის ცხედარს დაახლოებით სამი ათასი კაცი დახვდა. ინფორმაციას ამის შესახებ აფხაზური მედია ავრცელებს. გარდა რიგითი მოსახლეობისა, ბაღაფშის ცხედარს აეროპორტში დახვდნენ ე.წ. ვიცე-პრეზიდენტი ალექსანდრე ანქვაბი, ე.წ. პარლამენტის თავმჯდომარე ნუგზარ აშუბა, ე.წ. პარლამენტარები, პარტიებისა და საზოგადოებრივ-პოლიტიკური ორგანიზაციებისა და მოძრაობების წარმომადგენლები.
რუსეთიდან ბაღაფშის ცხედარს ჩამოჰყვნენ აფხაზეთის ე.წ. პრემიერ-მინისტრი სერგეი შამბა, მეუღლე მარინა შონია, ქალიშვილი, ვაჟიშვილი და სხვები.
ბაღაფშის ცხედარს სოხუმში, თავის ბინაში დაასვენებენ. 1-ელ ივნისს სოხუმის ფილარმონიაში მისი სამოქალაქო პანაშვიდი გაიმართება. 2 ივნისს ბაღაფშს ოჩამჩირის რაიონის სოფელ ჯგერდაში საგვარეულო სასაფლაოზე დაკრძალავენ. აფხაზეთში სამდღიანი გლოვაა გამოცხადებული.
შეგახსენებთ, რომ ბაღაფში 29 მაისს მოსკოვის 83-ე საავადმყოფოში სომსივნის დიაგნოზით გარდაიცვალა.
