ქართველი ოფიციალური პირების უმრავლესობა ჯერჯერობით თავის იკავებს კომენტარის გაკეთებისგან სერგეი ბაღაფშის გარდაცვალებასთან დაკავშირებით. თუმცა დღეს ბაღაფშის გარდაცვალების გამო მწუხარება გამოთქვა საქართველოს ექს-პრეზიდენტმა ედუარდ შევარდნაძემ.
Эхо Кавказа-სთვის მიცემულ ინტერვიუში სერგეი ბაღაფშის შესახებ ვაჟა ლორთქიფანიძემაც ისაუბრა. მას გარდაცვლილ დე-ფაქტო ლიდერთან დიდი ხნის მეგობრობა აკავშირებდა. 90-იან წლებში ლორთქიფანიძე იყო სახელმწიფო მინისტირი და საქართველოს ელჩი რუსეთში.
"ჩემთვის ძალიან სამწუხაროა ეს ფაქტი. ბაღაფში იყო აფხაზეთის ახალი ყაიდის ნამდვილი ლიდერი, ის ყოველთვის გამოირჩეოდა კაცთმოყვარეობით. პატივს სცემდა ადამიანებს და სჯეროდა მათი", - განაცხადა ლორთქიფანიძემ.
