რუსეთის თავდაცვის სამინისტროს კულტურის ცენტრში აფხაზეთის დე-ფაქტო ლიდერის სერგეი ბაღაფშის სამოქალაქო პანაშვიდი დასრულდა. ცერემონიალი დაახლობით ოთხი საათის განმავლობაში გაგრძელდა. სამოქალაქო პანაშვიდის ბოლოს შეკრებილი საზოგადოების წინაშე სეპარატისტული აფხაზეთის ე.წ. პრემიერ-მინისტრი სერგეი შამბა სიტყვით გამოვიდა და ისაუბრა სერგეი ბაღაფშის როლზე აფხაზეთის ისტორიაში. სერგეი შამბას სიტყვით გამოსვლის შემდეგ სიტყვით რუსეთში ნიკარაგუას ელჩი გამოვიდა.
სერგეი ბაღაფშთან გამოსამშვიდობებლად სამოქალაქო პანაშვიდზე გარდა ჩვეულებრივი მოქალაქეებისა მივიდნენ რუსეთის პრეზიდენტი დიმიტრი მედვედევი, საგარეო საქმეთა მინისტრი სერგეი ლავროვი, დუმის დეპუტატი ვლადიმერ ჟირინოვსკი და სხვები.
"სამოქალაქო პანაშვიდის დასრულების შემდეგ დარბაზი ყველა იქ დამსწრემ დატოვა. რამდენიმე წუთში სერგეი ბაღაფშის კუბო რუსმა სამხედროებმა მხრებით გამოიტანეს. ცერემონიის წის ასევე რუსი სამხედროები მიდიოდნენ, რომლებსაც ხელში გვირგვინები ეკავათ. კუბო სპეციალურ ავტომობილში ჩადეს, რომელიც ჩკალოვის აეროდრომისკენ გაემართა", _ იუწყება რუსული მედია.
აღსანიშნავია, რომ ამ საღამოს სერგეი ბაღაფშის ცხედარს სოხუმში ჩაასვენებენ სადაც სამდღიანი გლოვაა გამოცხადებული. 2 ივნისს სერგეი ბაღაფშს ოჩამჩირის რაიონის სოფელ ჯგერდაში საგვარეულო სასაფლაოზე დაკრძალავენ.
შეგახსნებთ, რომ სერგეი ბაღაფში სიმსივნის დიაგნოზით 29 მაისს მოსკოვის 83-ე საავადმყოფოში გარდაიცვალა.
