შინაგან საქმეთა სამინისტრო ყინწვისში დაკავებულ პირებთან დაკავშირებით განცხადებას ავრცელებს.
„2011 წლის 26 მაისს შინაგან საქმეთა სამინისტროს თანამშრომლებმა ყინწვისში დააკავეს შეიარაღებული დაჯგუფება 24 კაცის შემადგენლობით.
როგორც დაკავებულების ჩვენებებიდან ირკვევა, მათ ხელმძღვანელობდა ყოფილი საქართველოს შსს მინისტრი და ასევე მხედრიონის ერთერთი ლიდერი თემურ ხაჩიშვილი, რომელიც ამ დროისთვის იმყოფება რუსეთის ფედერაციაში. ამ ჯგუფის მიზანი იყო საქართველოს ტერიტორიაზე შეიარაღებული პროვოკაციების მოწყობა", - ნათქვამია შსს-ის განცხადებაში.
შინაგან საქმეთა სამინისტრო დაკავებულ პირთა აღიარებით ჩვენებასა და სატელეფონო საუბრების ერთ ნაწილს დღესვე გამოაქვეყნებს.
