დღეს, 30 მაისს, 14:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტები საქართველოს იუსტიციის უმაღლეს საბჭოს ეწვევიან.
სტუდენტებს საქართველოს იუსტიციის უმაღლესი საბჭოს მდივანი ვალერი ცერცვაძე, საბჭოს წევრები კახა კობერიძე და რამაზ ჟღენტი შეხვდებიან. საუბარი შეეხება სასამართლო რეფორმას, საქართველოს იუსტიციის უმაღლესი საბჭოს ფუნქციებსა და საქმიანობას.
პროექტის მიზანია საქართველოს იუსტიციის უმაღლესი საბჭოს მიერ სასამართლოში მიმდინარე რეფორმების თაობაზე საზოგადოების მეტი ინფორმირება.
