ოპოზიციური რვიანს ხელისუფლებასთან საარჩევნო გარემოს გაუმჯობესებასთან დაკავშირებთ მიმდინარე მოლაპარაკებებში არასახარბიელო შედეგები აქვს, - ამის შესახებ მემარჯვენეების ერთ-ერთმა ლიდერმა მამუკა კაციტაძემ მემარჯვენეების ოფისში მიმდინარე რვიანისა და საქართველოში აკრედიტებული დიპლომატიური კორპუსის და საერთაშორისო ორგანიზაციების წარმომადგენლებთან შეხვედრის დაწყებამდე განაცხადა.
"დიპლომატიურ კორპუსთან და დღეს მოწვეულ სტუმრებთან გვექნება საუბარი იმ ვანდალურ ღამესთან დაკავშირებით, რომელიც 26 მაისს რუსთაველის გამზირზე ხელისუფლებამ დაატრიალა. ჩვენ ვთხოვთ საერთაშორისო საზოგადოებას, დაინტერესდნენ 26 მაისს დაკარგულთა ბედით და ასევე დაკავებულთა მდგომარეობით. თუმცა დღეს საუბარი ასევე შეეხება რვიანის ძირითად მიმართულებას. ეს არის საარჩევნო გარემოს გაუმჯობესებაზე მიმდინარე მოლაპარაკებები. ჩვენს მიერ შეთავაზებული ვადა ხელისუფლებისადმი ხვალ იწურება. მაგრამ მინდა გითხრათ რომ ამ მხრივ არასახარბიელო შედეგები გვაქვს" - განაცხადა კაციატაძემ ჟურნალისტებთან საუბრისას.
რვიანისა დადიპ კორპუსის წარმომადგენლების შეხვედრა რამდენიმე წუთის წინ დაიწყო. ძირითადი თემა იქნება 26 მაისს პარლამენტთან ხელისუფლების მიერ სახალხო კრების აქციის დარღვევის ფაქტი.