30 მაისს თბილისში ბავშვთა დაცვის საერთაშორისო დღისადმი მიძღვნილი (რომელიც 1 ივნისს აღინიშნება) ორი ღონისძიება გაიმართება. დღეს საქართველოს პირველი ლედი სანდრა რულოვსი თბილისის საერთაშორისო აეროპორტის მოსაცდელ დარბაზებში ბავშვთა კუთხეებს გახსნის. ეს არის პირველი ლედის საჩუქარი ბავშვებისადმი, რომლებსაც გამგზავრებამდე გართობისა და დასვენების საშუალება მიეცემათ.
ამავე დღეს საქართველოს პირველი ლედის ინიციატივით საქართველოს პრეზიდენტის ადმინისტრაციის ეზოში 17:00-დან 18:00 საათამდე ბავშვთა დაცვის საერთაშორისო დღისადმი მიძღვნილი კლასიკური მუსიკის კონცერტი გაიმართება, რომელშიც ახალგაზრდა ნიჭიერი შემსრულებლები მიიღებენ მონაწილეობას, კერძოდ კი, ვ.სარაჯიშვილის სახელობის სახელმწიფო კონსერვატორიის სამუსიკო სემინარია, ქ. თბილისის მერიის არამ ხაჩატურიანის სახელობის #10 ხელოვნების სკოლა და ქ. ქუთაისის ზ.ანჯაფარიძის სახელობის #3 მუსიკალური სკოლა.
