სამების საკათედრო ტაძარში საკვირაო ქადაგებისას, სრულიად საქართველოს კათალიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა ილია მეორემ ქვეყანაში მიმდინარე პოლიტიკურ მოვლენებზე ისაუბრა.
ილია მეორის აზრით, ქვეყანაში მთავარი პრობლემა პოლიტიკური დიალოგის კულტურის არ ქონაა.
უწმინდესის თქმით, მნიშვნელოვანი საკითხები არა ქუჩაში, არამედ დარბაზებში უნდა წყდებოდეს და ადამინებს ერთმანეთის მოსმენა უნდა შეეძლოთ.
"ყველაზე საშიში კატეგორიული ურთიერთობა და აზროვნებაა. მიუხედავად იმისა, რომ პატრიარქი ვარ, ეს არ ნიშნავს, რომ ყველა საკითხში შეუცდომელი ვარ და ყველაზე ჭკვიანი. ვფიქრობ, დღეს ჩვენი ყოფა და ცხოვრება არ არის ადამიანებს შორის ჰარმონიული ურთიერთობა. ადამიანები გამოდიან ქუჩაში პროტესტის ნიშნად და ხელისუფლება ხშირად მათ ეწინააღმდეგება. ვფიქრობ, ასეთი ურთიერთობა უნდა დამთავრდეს, უნდა იყოს მსჯელობა. ჩვენი მთავარი მიზანი უნდა იყოს, რომ ჩვენი საქმე იყოს საქმე უფლისთვის და სასარგებლო ადამიანებისთვის. ჩვენ ჯერ კიდევ ვერ ვისწავლეთ სხვისი მოსმენა", - იქადაგა პატრიარქმა.
პატრიარქმა 26 მაისს დაღუპულთა ოჯახებს მიუსამძიმრა.
