დღესვე უფლებადამცველები დააყენებენ შ.ს.ს -ს მინისტრ ვანო მერაბიშვილის სისხლის სამართლის პასუხისმგებლობის საკითხს და ყველა პასუხისმგებელი პირის დასჯის საკითხს.
მიმართვაში ევროკავშირის ელჩის, ევროპის საბჭოს, დიპლომატიურ კორპუსის და საერთაშორისო უფლებადამცველ ორგანიზაციებისადმი აღნიშნულია რომ 2011 წლის 26 მაისს ხელისუფლებამ სასტიკი ანგარიშსწორება მოუწყო მშვიდობიან მომიტინგებს, დაარბია აქცია და ფიზიკურად გაუსწორდა განსხვავებული აზრის მქონე ადამიანებს.
"უფლებადამცველები მომხდარს ვაფასებთ, როგორც სასტიკ სადამსჯელო, უკანონო ღონისძიებას საკუთარი მოქალაქეების მიმართ, ვინც არ უჭერს მხარს ძალადობრივ რეჟიმს.
ბრძანების გამცემმა და შემსრულებელმა პირებმა დაარღვიეს საქართველოს კონსტიტუცია და სისხლის სამართლის კოდექსი.
Aაქციის მონაწილეთა დაშლის სამართლებრივი საფუძვლისFარსებობის შემთხვევაშიც კი არ არსებობს არგუმენტი, რომლითაც გამართლებული იქნებოდა მშვიდობიანი მომიტინგეების დაკავებისა და მათთვის ხელბორკილების დადების შემდეგ ფიზიკური ძალადობის განხორციელება, მათ შორის პოლიციის სამმართველოში", - აღნიშნულია მიმართვაში.
მიმართვის მიხედვით,Gიკვეთება საქართველოს სისხლის სამართლის კოდექსის 333, 143, 144(3) 147, 154 მუხლებით გათვალისწინებული დანაშაულის ჩადენა სპეცოპერაცის დამგეგმავი და მონაწილე პირების ქმედებაში , რაც გულისხმობს:
სსკ 333 სამსახურებრივი უფლებამოსილების გადამეტება ჩადენილი ძალადობით, სს 143 თავისუფლების უკანონო აღკვეთა სიცოცხლისათვის და ჯამრთელობისათვის საშიში ძალადობით, რამაც გამოიწვია მძიმე შედეგი, სსკ 144(3)- დამამცირებელი და არაადამიანური მოპყრობა ჯგუფურად ადამიანთა თანასწორუფლებიანობის დარღვევით პოლიტიკური შეხედულებების გამო, სსკ 147 (1) განზრახ უკანონო დაკავება, სსკ 154- ჟურნალისტის პროფესიულ საქმიანობაში უკანონოდ ხელის შეშლა.
"ჩვენ, უფლებადამცველები ვგმობთ ხელისუფლების ძალადობას საკუთარი მოქალაქეების მიმართ და მოვითხოვთ:
1. შეაჩეროთ მასობრივი რეპრესიები და ანგარიშსწორებები, უკანონო დაპატიმრებები უდანაშაულო ადამიანების მიმართ.
2. Pშეიქნას საგამოძიებო კომისია საზოგადოების მიუკეძოებელი და კომპეტენტური სპეციალისტების მონაწილეობით. ობიექტური გამოძიების შედეგად დაისაჯოს ყველა პირი ვინ გასცა 26 მაისს უკანონო ბრძანება და ვინც ჩაიდინა დანაშაული.
3. პირადად თქვენი წარმომადგენლები შეხვდეთ და მოინახულოთ დაკავებული პირები, რათა თავად დაწრმუნდეთ როგორ მდგომარეობაში არიან ისინი.
4. G დადგინდეს გაუჩინარებულ პირთა ადგილსამყოფელი" ,- აღნიშნულია მიმართვაში.