რუსეთის პრეზიდენტმა დიმიტრი მედვედევმა აფხაზეთის ე.წ. ვიცე-პრეზიდენტს ალექსანდრე ანქვაბს, აფხაზ სეპარატისტთა ლიდერის გარდაცვალებასთან დაკავშირებით სამძიმრის წერილი გაუგზავნა. ინფორმაციას ამის შესახებ კრემლის პრესსამსახური ავრცელებს.
მათივე ინფორმაციით, მედვედევმა აღნიშნა ბაღაფშის "პირადი დიდი შენატანი აფხაზეთის დამოუკიდებლობის გამყარების საკითხსა და მის დამოუკიდებელ საერთაშორისო სუბიექტად ქცევაში".
"სერგეი ბაღაფში იყო რუსეთთან მეგობრობისა და თანამშრომლობის მომხრე და დაუღალავად მუშაობდა ჩვენს ქვეყანებს შორის მჭიდრო ურთიერთობების გაღრმავებისათვის", _ ნათქვამია მედვედევის სამძიმრის წერილში.
შეგახსენებთ, რომ აფხაზ სეპარატისტთა ლიდერი სერგეი ბაღაფში ამ დილით მოსკოვის ერთ-ერთ კლინიკაში 63 წლის ასაკში სიმსივნის დიაგნოზით გარდაიცვალა. მის ნაცვლად, სამი თვის განმავლობაში აფხაზეთის ე.წ. პრეზიდენტის მოვალეობას ე.წ. ვიცე-პრეზიდენტი ალექსანდრე ანქვაბი შეასრულებს.
მასალის გამოყენების პირობები
