"რუსეთისათვის ეს სერიოზული პრობლემაა, იმიტომ რომ იმ პირობებში, როდესაც ჩვენ ვხედავთ არასტაბილურობას მეზობელ საქართველოში, აფხაზეთის პრეზიდენტის უცაბედი არჩევნები, რა თქმა უნდა იმის მაუწყებელი იქნება, რომ ქართული დიპლომატია აფხაზური მიმართულებით გააქტიურდება, შესაძლოა სხვა და სხვა დონის პროვოკაციები და მცდელობები შეიტანონ განხეთქილება პოლიტიკურ კლასსა და აფხაზეთის პოლიტიკურ ელიტაში. სერგეი ბაღაფშის გარდაცვალება ბევრი თავის ტკივილის მომტანი იქნება მოსკოვშიც და სოხუმშიც", _ აცხადებს ვლასოვი.
მისივე თქმით, თუ ახლა რაღაც მოულოდნელი კანდიდატურები არ წამოყოფენ თავს, მაშინ "საპრეზიდენტო სავარძელზე ყველაზე ცხადი კანდიდატები უკვე არსებობენ".
"მათი სახელები ყველასათვის კარგად არის ცნობილი, მათი განხილვა დაახლოებით 2010 წლიდან მიმდინარეობს, ანუ მას შემდეგ რაც გაჩნდა პირველი ინფორმაცია აფხაზ სეპარატისტთა ლიდერის გაუარესებული ჯანმრთელობის გამო", _ აცხადებს რუსი ექსპერტი და აღნიშნავს, რომ ერთ-ერთი ამ კანდიდატთაგანი - სერგეი შამბაა - აფხაზეთის პოლიტიკური მოთამაშეებს შორის ერთ-ერთი ყველაზე ავტორიტეტული და გავლენიანი პოლიტიკოსი, რომელიც 2010 წლიდან აფხაზეთის ე.წ. პრემიერ-მინისტრის მოვალებას ასრულებს.
"იგი საკმაოდ კარგად აღიქმება, მას კარგი კონტაქტები აქვს თურქეთთან და მას საკმაოდ ლოიალურად იღებენ დასავლეთშიც. ყველასათვის გასაგებია, რომ აფხაზეთის აღიარებაზე დასავლეთის მხრიდან საუნბარი არ მიდის, მაგრამ შამბა მათთვის საკმაოდ მისაღები კანდიდატია აფხაზეთის პრეზიდენტის პოსტზე.
სხვა შესაძლო რეალურ კანდიდატებს შორის შესაძლებელია აფხაზეთის ვიცე -პრეზიდენტის ალექსნდრე ანქვაბის განხილვაც. მესამე კანდიდატურა - რაულ ხაჯიმბაა, რომელსაც ჩემი აზრით ნაკლები შანსი აქვს აფხაზეთის პრეზიდენტის თანამდებობაზე პრეტენდენტობისათვის", _ აცხადებს ვლასოვი.