ირაკლი ბათიაშვილი კატეგორიულად უარყოფს ინფორმაციას იმის შესახებ, რომ სახელმწიფოში შეიარაღებული გადატრიალება მზადდებოდა და შს სამინისტოს მიერ გავრცელებულ ვიდეოფირებზე მსჯელობას "სირცხვილს" უწოდებს. მისივე თქმით, შეიარაღებული ამბოხება "დროშის ტარებითა და ბანერებით არავის გაუგია".
ბათიაშვილი ასევე მოუწოდებს სხვა და სხვა პოლიტიკურ პარტიებს, რომლებიც გავრცელებულ ინფორმაციასთან დაკავშირებით "შეშფოთებებს" გამოხატავენ "ანკესს არ წამოეგონ" და ყველაფერი კარგად გააანალიზონ.
"ჩვენ საკრებულოსთანაც ვიდექით, შემდეგ ტელევიზიასთანაც ამდენი დღე ვიდექით - საკმაოდ ბევრი ხალხი, ვინმემ სადმე ფეხი აადგა? შემდეგ პარლამენტთან მოვედით და იქაც ყველას ვაფრთხილებდი სადმე ფეხი არსაც გადაებიჯებინათ", _ აცხადებს ბათიაშვილი და აღნიშნავს, რომ მომიტინგეთა მხრიდან ყველა იურდიული ნორმა დაცული იყო.
"ყველა იურიდიული ნორმა დაცული იყო - ახლა მე გეკითხებით თქვენ, ის რაც ხდება სირცხვილი არ არის? ვიცი ზოგიერთი პოლიტიკოსები შეშფოთებულნი არიან და რაღაცეებს ლაპარაკობენ - ნუ წამოეგებიან ახლა ამ სისულელეებს, რაღაც შეიარაღებულ ამბოხებაზე რომ ლაპარაკობენ.
შეიარაღებული ამბოხება დროშის ტარებითა და ბარიერებით გაგიგიათ? რომლებსაც მერე თავის დასაცავად იყენებდნენ ჩვენი აქტივისტები? იქ რომ აჩვენებენ, რაღაც შარიკებს სპეციალური აგენტია ეტყობა და რომ აჩვენებენ "მოლოტოვის კოქტეილებს" რომლებსაც პოლიციელები ამსხვრევენ. თუ ნივთმტკიცებაა - რატომ ამსხვრევენ? გეკითხებით - ერთი ფაქტი იმისა, რომ მოლოტოვის კოქტეილი ეკავოს ვინმეს ერთი დღე მაინც არსებობს? იმ საშინელი დარბევის დღეს ვინმემ იხმარა "მოლოტოვის კოქტეილი"? ან ვინმემ "რაგატკა" ისროლა?", _ აცხადებს ბათიაშვილი.
