როგორი უნდა იყოს ოპოზიციური „რვიანის" სამოქმედო გეგმა და რა კონკრეტულ საკითხებზე უნდა გაკეთდეს აქცენტები - ამ თემებზე დღეს დავით ბაქრაძის ინიციატივით შექმნილი საარჩევნო გარემოს გაუმჯობესებაზე მომუშავე ჯგუფის წევრებმა ექსპერტებთან და სამოქალაქო საზოგადოების წარმომადგენლებთან მორიგი შეხვედრა გამართეს.
„რვიანის" ლიდერებმა ექსპერტებს საკუთარი სამოქმედო გეგმა წარუდგინეს და საარჩევნო გარემოს გაუმჯობესების აუცილებლობაზე ისაუბრეს.
სამოქმედო გეგმის პრეზენტაციის შემდეგ ოპოზიციური პარტიების წარმომადგენლებმა ექსპერტებისგან რჩევები და რეკომენდაციები მიიღეს.
საარჩევნო გარემოზე მომუშავე ჯგუფის წევრები ამ თემებზე მორიგ შეხვედრას მომავალ კვირას დიპლომატიური კორპუსის წარმომადგენლებთან გამართავენ.
