მდინარე რიონზე სამძებრო სამუშაოები ამ წუთებშიც გრძელდება, თუმცა მუშაობას წყლის მაღალი დონე აფერხებს.

სააგენტო "ჯი-ეიჩ-ენის" ინფორმაციით, მურთაზ გაბუნია 22 მაისს, მდინარე რიონზე თევზაობდა, როდესაც "ვარციხეჰესის" ადმინისტრაციამ წყლის ფარები გაუფრთხილებლად გახსნა. მოვარდნილმა წყალმა კი მურთაზ გაბუნია გაურკევეველი მიმართულებით გაიტაცა.

"ჰესის ადმინისტრაციის გაუფრთხილებლობით არაერთ უბედურ შემთხვევას აქვს ადგილი. მე და ჩემი ოჯახი დაგვღუპეს და გაგვანადგურეს. ხშირია შემთხვევები, როდესაც ყოველგვარი გაფრთხილების გარეშე ფარებს თვითნებურად ხსნიან. ძალიან ბევრმა ოჯახმა მსხვილფეხა პირუყვი და შემოსავლის წყარო დაკარგა. აუცილებელია არსებობდეს რაიმე გამაფრთხილებელი ნიშნანი, რაც უბედურებას თავიდან აგვაცილებს"-გაანაცხადა "ჯი-ენ-ენთან" საუბრისას მურთაზ გაბუნიას მეუღლემ, დოდო გაბუნიამ.

გაბუნიების ოჯახი სიღარიბის ზღვარს ქვემოთ ცხოვრობს და მათი ყოველთვიური შემწეობა დაახლოებით 150 ლარს შეადგენს. მურთაზ გაბუნიას 2 შვილი ჰყავდა, თუმცა გასულ წელს 36 წლის ნინო გაბუნია ავტოსაგზაო შემთხვევამ იმსხვერპლა. მურთაზ გაბუნია საქართველოს მონადირეთა კავშირის წევრი იყო და არასოდეს ბრაკონიორობდა. ის საკუთარ ოჯახს თევზაობით და ნანადირევით კვებავდა,

დადგენილი წესის მიხედვით, ჰესის ადმინისტრაცია ვალდებულია ფარების გახსნის შემთხვევაში ადგილობრივი თვითმმართველობა გააფრთხილოს, რომლიც თავის მხრივ უზრუნველყოფს მოსახლეობის ინფორმირებას.
ჯერ-ჯერობით უცნობია, რადენად იქნა დაცული არსებული წესები 22 მაიის ფარების გახსნის წინ.